Wednesday 30 December 2015

Animaciaj filmoj de studio «Pilot». Parto 3

Ĥaŝo (2001)



2+1 =... (2003) 



Norde de sudo (2003) 



Tria parto de la animacia kolekto de studio «Pilot» inkludas ĝiajn filmojn de la 2000aj jaroj – nigrohumuran miniaturaĵon «Ĥaŝo», rakonton pri memidentigo «2+1=...» kaj aventuron de du eksimoj – tiu de rusia Ĉukĉa duoninsulo kaj tiu de usona Alasko – neatendite unuigitaj meze de Pacifiko. 

Interesaj faktoj

Filmo «2+1=...» aludas figuron de Drako Goriniĉ, malica trikapa drako de la rusa folkloro.

En filmo «Norde de sudo» estas «paska ovo» ĉe 9:11: pasaĝeroj sur ferdeko de ŝipo havas aspektojn de rusiaj animaciaj reĝisoroj. 

Tuesday 29 December 2015

Animaciaj filmoj de studio «Pilot». Parto 2

Aviadistoj (1990) 



Perloĉasistoj (1990)



Formulo 1 (1991) 



En la dua parto de la kolekto da animaciaĵoj fare de studio «Pilot» rolulas komika dueto (klasika varianto – la Alta kaj la Malalta), kiu unuafoje aperis en animacia almanako de la jaro 1985.

Saturday 19 December 2015

Animaciaj filmoj de studio «Pilot». Parto 1

Lifto 1 (1989). Selektitaj partoj




Lifto 3 (1991). Selektitaj partoj




Pums (1990)





Antaŭe mi jam havis kialon por rakonti pri studio «Pilot», unu el la plej brilaj fenomenoj de la rusia animacio dum lastaj tridek jaroj. Hodiaŭ ni povas konatiĝi kun specimenoj de ĝia kreado, prezentita en la oficialaj kanaloj ĉe YouTube. Kolekton da ĝi malkovros filmoj el serio «Lifto». Tio estis kvin almanakoj, aperintaj inter 1989 kaj 1992, kie komencantaj reĝisoroj sub arta gvidado de Aleksandr Tatarksij prezentis siajn spritajn kaj emociplenajn kreaĵojn. Mia plej ŝatata historio el la prezentitaj estas la dua el la tria almanako. Malgaja tamen versimila ekspliko, kial aliplanedanoj ne kontaktas nin...

Interesaj faktoj

En la lasta historio de la unua almanako «Lifto» oni uzis suiton de Isaak Dunajevskij, kreitan por filmo «La infanoj de kapitano Granto» (1936), laŭ la fama romano de Jules Verne. La historio mem memorigaj alian lian romanon, «La misteran insulon».

Wednesday 16 December 2015

Moderna lumglava batalo



Hodiaŭ komenciĝas demonstrado de la sepa epizodo de “Stelaj Militoj” kaj tra la mondo oni jam atendas antaŭ kinejoj por ekscii, kio nova okazis en unu tre fora galaksio.  Estas, tamen, bona preteksto reveni al la pli frua tempo, kiam oni avide serĉis ĉiun novan eron da informo pri la venonta filmo. Kiam aperis unua antaŭfilmeto de ĝi, ĉiuj estis mirigitaj de la lumglavo kun manŝirmilo; ĝi fariĝis objekto de multaj serĉoj kaj karikaturaĵoj. Ne staris flanke de tio ankaŭ rusiaj adorantoj de la sagao, kiuj kreis humuran prezentaĵon de tio, kiel lumglava duelo povas aspekti, se ĝiaj partoprenantoj strebas sekvi modon. Agrablan spektadon kaj estu la Forto kun vi!

Saturday 22 August 2015

Heraklo ĉe Admeto



Originala titolo: Геракл у Адмета
Produktado: studio «Sojuzmultfilm»
Jaro: 1986
Aŭtoro de la scenaro kaj reĝisoro: Анатолий Петров (Anatólij Petróv).
Arta direktoro: Людмила Лобанова (Ludmíla Lobánova).
Desegnistoj: Галина Петрова (Galína Petróva), Галина Баринова (Galína Bárinova), Виктория Макина (Viktórija Mákina), Анатолий Петров (Anatólij Petróv), Т. Агафонова (T. Agafónova), Александр Маркелов (Aleksándr Markélov), Эраст Меладзе (Erást Meládze), Елена Караваева (Jeléna Karavájeva).
Animaciistoj: Владимир Зарубин (Vladímir Zarúbin), Галина Зеброва (Galína Zébrova).
Kameraisto: Михаил Друян (Miĥaíl Druján).
Direktoro: Любовь Бутырина (Lubóvj Butírina).
Komponisto: Sándor Kallós/Шандор Каллош (Ŝandor Kalloŝ).
Sonreĝisoro: Владимир Кутузов (Vladímir Kutúzov).
Redaktoro: Елена Никиткина (Jeléna Nikítkina).
Aktoroj: Анна Каменкова (Anna Kamenkóva), Петр Вишняков (Pjotr Viŝnjakóv), Михаил Царев (Miĥaíl Carjóv), Армен Джигарханян (Armén Ĝigarhanján), Иннокентий Смоктуновский (Innokéntij Smoktunóvskij), Александр Белявский (Aleksándr Belávskij), Антон Воеводин (Antón Vojevódin), Олег Мокшанцев (Oleg Mokŝáncev).
Muntisto: Наталия Степанцева (Natálija Stepánceva).

Hodiaŭ ni finas la temon de la helenaj mitoj en animacio per specimeno vere rimarkinda. Reĝisoro Anatolij Petrov (1937 - 2010) kreis en la 1970-1990aj jaroj vicon da animaciaj filmoj en ellaborita fare de li tekniko de “fotografiko”, kiu aldonas al tradicia desegnita animacio reliefecon kaj dimensiecon de animacio komputila. Inter ili estas serio da animaciaĵoj laŭ la helenaj mitoj, el kiuj plej konata kaj sukcesa estas “Geraklo ĉe Admeto”, bazita sur unu el historioj pri la fama heroo. 

Do mi invitas vin ĝui ĉi tiun arton, vere admireblan – atentu, ekzemple, scenon kun kurantaj militistoj ĉe 5:56. Ĝi apartenas al historio de la animacia ĝenro, tamen ĝi povas esti utila ankaŭ por ĝia estonteco. Miavide, plendaŭra “kineja” animacio en la moderna epoko trafis en senelirejon – ĉiuj ĉi tiuj 3D-komedioj, kiuj similas unu la alian kvazaŭ ĝemeloj, ne kapablas promesi ajnan principe novan sperton por spektanto. Imagu, tamen, plendaŭran “Iliadon” aŭ “Odiseadon”, kreitan en tia tekniko, aŭ ke Zack Snyder farus sian “300” en formo de tiaspeca animacio! Do oni povas esperi, ke ĉi tiu atingo ne estos forgesita kaj pliriĉigos kinoarton de la mondo.

Interesaj faktoj

Ununura priskribo de ĉi tiu animacia tekniko, kiun mi sukcesis trovi, estas en unu porinfana enciklopedio. Ĝi tekstas: “En ĉi tiu tekniko por ĉiu bildo kun rolulo oni preparis ne unu, sed du celuloidajn foliojn. Sur la unua rolulo estis desegnita konture kaj fabrita per unu ĝis tri farboj. Sur la dua oni desegnis per senkontura metodo klarobskurojn, kiujn oni fotis ne enfokusigite (bildo rezultiĝis malpreciza). Kuniĝo de la du bildoj produktis efekton de amplekseco de la figuro, komparebla laŭ impreso ne nur kun fotografio, sed ankaŭ kun moderna tridimensia komputila animacio. Tia realisma stilo postulis virtuozan laboron de animaciistoj”.

Pro malfacileco de animaciista laboro en ĉi tiu tekniko, oni uzis en la filmo rimedojn de limigita animacio, kiam oni ripetas saman serion de bildoj kelkfoje por demonstri ripetiĝantan movadon.

Thursday 20 August 2015

Prometeo



Originala titolo: Прометей
Produktado: studio «Sojuzmultfilm»
Jaro: 1974
Aŭtoro de la scenaro: Алексей Симуков (Alekséj Simukóv).
Reĝisoro: Александра Снежко-Блоцкая (Aleksándra Snéĵko-Blóckaja).
Arta direktoro: Александр Трусов (Aleksándr Trúsov).
Animaciistoj: Владимир Шевченко (Vladímir Ŝevĉénko), Виктор Шевков (Víktor Ŝevkóv), Николай Федоров (Nikoláj Fjódorov), Олег Сафронов (Olég Safrónov), Сергей Кушнеров (Sergéj Kúŝnerov), Ольга Орлова (Olga Orlóva), Виолетта Колесникова (Violétta Kolésnikova).
Kameraisto: Борис Котов (Borís Kótov).
Direktoro: Любовь Бутырина (Lubóvj Butírina).
Komponisto: Виталий Гевиксман (Vitálij Géviksman).
Sonreĝisoro: Борис Фильчиков (Borís Fílĉikov).
Redaktoro: Аркадий Снесарев (Arkádij Snésarev).
Aktoroj: Анна Каменкова (Anna Kamenkóva), Алексей Консовский (Alekséj Konsóvskij), Михаил Погоржельский (Miĥaíl Pogorĵélskij), Евгений Герасимов (Jevgénij Gerásimov), Ю. Николаев, Всеволод Ларионов (Vsévolod Lariónov).
Muntisto: Маргарита Михеева (Margaríta Miĥéeva).


Hodiaŭ ni finas prezentadon de la animacia ciklo fare de Aleksandra Sneĵko-Blockaja (tamen ne la temon mem de animaciaj versioj de la helena mitologio). Lasta en ĝi estas rakonto pri titano Prometeo, kiu ŝtelis por homoj la sanktan fajron de dioj.

Disqus por Aŭdvide